![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O chilo | |
---|---|
| |
Quatrón informativo | |
Pintor | Edvard Munch |
Anyo | 1893 |
Estilo artistico | Expresionismo |
Tecnica pictorica | Olio, tempera y pastel sobre cartón |
Dimensions | 89 x 73,5 cm |
Localización | Galería Nacional d'Oslo Oslo, Noruega |
O chilo (Skrik, en noruego, 1893) ye un d'os cuadros mas conoixitos d'o expresionismo, y una d'as prencipals obras de l'artista y pintor noruego Edvard Munch. Simboliza l'hombre moderno sozmeso a una crisi d'angustia existencial. O paisache d'o fondo ye o fiordo d'Oslo, visto dende o tozal d'Ekeberg.
Munch fació cuatre versions d'o cuadro, estando-ne as mas conoixitas una feita con tempera sobre cartón (Museu Munch d'Oslo), y una feita con olio, tempera y pastel sobre cartón (Galería Nacional d'Oslo). A tercera versión perteneix tamién a o Museu Munch, y a cuatrena ye en una colección particular.
Respective a O chilo, Munch escribió:
O 12 de febrero de 1994, roboron o cuadro d'a Galería Nacional. En primeras se sospeitó d'os activistas antialbortistas de Noruega, pero a sospeita resultó falsa. Tres meses dimpués, demandaban 1 millón de dólars americanos a o gubierno noruego per o cuadro, pero lo gubierno i refusó. Retroboron o cuadro lo 7 de mayo per meyo d'una operación d'a policía noruega en colaboración con a policía britanica y o Museu Getty.
En 1996, o cuadro estió d'inspiración ta Wes Craven en a cinta clamata Scream (O chilo) a l'hora de creyar a mascarota que i porta l'asasinador.
O 22 d'agosto de 2004, roboron a man armata la versión mas conoixita d'o Museu Munch, devez que un altro cuadro de Munch, A Madonna. Seguntes o diario sueco Svenska Dagbladet, o cuadro ye estato cremato.
© MMXXIII Rich X Search. We shall prevail. All rights reserved. Rich X Search